179 դիտում

Լեգիոնելաները, ինչպես միկոպլազմաները և խլամիդիաները ներբջջային գրամ-բացասական հարուցիչներ են, որոնք հզոր էնդոտոքսին են արտադրում:

Legionella pneumonia ցուպիկով հաճախ վարակվում են վարակված ջրի կաթիլները ներշնչելիս:

Նկարագրված են զանգվածային բռնկումներ` կապված կոնդիցիոներներում և ջրային խողովակներում այս մանրէի բազմացման հետ:

Նշված միջավայրերում ջրի հոսքի ժամանակավոր դադարից հետո խոնավ տարածքներում լեգիոնելան բավականին լավ է բազմանում

Հիվանդից առողջ մարդուն օդակաթիլային ճանապարհով վարակի տարածումը չի բացառվում:

Գաղտնաշրջանը (ինկուբացիոն շրջանը) տևում է 2-10 օր:

Հիվանդության սկիզբը սուր ծանր թունավորման նշաններով ընդհանուր թուլություն

, ջերմության բարձրացում մինչև 39-40 աստ. C

, արտահայտված հևոց, դիսպեպսիա, գլխացավ

, մկանացավ, ուղեղախտ (էնցեֆալոպաթիա)

:

Սկզբնական շրջանում հազը չոր է, ավելի ուշ արտադրվում է լորձային ՙբրնձային՚ խորխ, հետագայում` թարախային բնույթի, հաճախ արյան հետքերով, քանի որ կարող է զարգանալ նեկրոզացնող ալվեոլիտ:

Ախտորոշումը հաստատում է հակալեգիոնելային հակամարմինների տիտրի նորմայից 4 անգամ բարձր լինելը:

Անարդյունավետ բուժման դեպքում մահացությունը հասնում է 20 %-ի: